Babilone o ole - The Remnant of Her Seed

“Babilone o mogolo o ole, o ole, o fetogile boago jwa mewa e e maswe,…..Ka utlwa lentswe le lengwe le le tswang legodimong le re: Tswang mo go ene lona batho ba me, gore lo se tlhakanele nae dibe tsa gagwe, le gore lo se bone dipetso tsa gagwe.” Tshenolo 18:1-5

Lefoko la Babilone, le le tswang mo babel (Genesise 11:9) le kaya tlhakatlhakano, le dirisiwa mo Baebeleng go supa mefuta e e farologaneng ya bodumedi jo bo sa ikanyegeng kgotsa jo bo kgelogileng. Dikereke tse di bopang Babilone di na le ditumelo tse di sa dumalaneng gape le dithuto tse di sa siamang, mme di leka go itshupa di le seoposengwe ka go tlhama lekoko la Dikereke tsa Lefatshe ka Bophara–World Council of Churches (WCC) le le nang le makoko a mangwe jaaka Christian World Communion (CWC), le National Council of Churches (NCC)….le tse dingwe . Go wa mo tumelong ga Babilone ka ntlha ya dithuto tse di sa siamang ke gone go begwang mo ditemaneng tse di fa godimo. Modimo o bitsa botlhe ba gagwe ba ba ikanyegang go tswa mo dikerekeng tse tsa Babilone pele ga dipetso tse 7 tsa bofelo di wela mo lefatsheng. Dikereke tse di leng karolo ya Christian World Communion di akaretsa: Kereke ya Roma ya Katholiki, Kereke ya Baliti ya Sabata wa Bosupa (SDA), Dikereke tsa Pentekoste, Baptiste, Efelangene, Anglikane, Luthere, Methodiste…le tse dingwe. https://www.oikoumene.org/church-families

Ka jalo, potso ke gore, fa dikereke tsotlhe jaanong e le karolo ya Babilone, kereke ya Modimo e kae? Gonne Modimo ga a ke a tlhoka go nna le kereke mo lefatsheng ka dinako tsotlhe. Pele ga re araba potso eo, a re lebe porofiso ya Isaia e e bolelelang pele ka seemo sa dikereke mo nakong ya rona. Ya re, “Mme mo letsatsing leo basadi ba supa ba tlaa tshwara monna a le mongwe, ba re, re tlaa ja senkgwe sa rona, re apare diaparo tsa rona; fela re bidiwe ka leina la gago gore re tlose kgobo ya rona.” Isaia 4:1. Ka gore ke porofiso e e kwadilweng ka matshwao, re tshwanetse go tlhaloganya matshwao pele, go tswa foo re lebe gore e diragetse leng.

“Bosupa” bo emela bo tlalo, sekai, malatsi a supa a emela beke yotlhe e e tletseng. “Mosadi” o emela kereke, mosadi yo o phepa—kereke e e phepa, sekai: “Ke lo itlamile ka monna a le mongwe, e bong Keresete, gore ke tle ke lo neele Keresete jaaka kgarebane e e itshekileng” 2 Bakorintha 11:2. Mosadi wa seeka o emela kereke e e sa siamang, sekai, Babilone mo Tshenolo 17:5 o bidiwa mma diaka, e leng kereke e e sa phepafalang e e nang le dikereke tse di mo salang morago mo mokgweng wa bosula le kgokafalo. “Monna a le mongwe” o emela Keresete. “Senkgwe” se emetse dijo tsa semowa ebong Lefoko la Modimo, sekai: Jesu o bua a re, “Ke nna senkgwe se se tshelang se se fologileng kwa legodimong: fa mongwe a ka ja senkgwe seno, o tlaa tshela ka bosakhutleng…Mowa ke one o tshedisang…Mafoko a ke a buang ke Mowa ebile ke botshelo” (Johane 6:51,63). “Diaparo” di emetse tshiamo kgotsa go tlhoka tshiamo: Diaparo tse di phepa di emetse tshiamo ya Keresete ye a e neelang baitshepi, sekai, “Mme mosadi (kereke) a neelwa gore a ikapese ka leloba le le boleta, le le phatsimang, le le ntle. Gonne leloba le le boleta ke tshiamo ya baitshepi” Tshenolo 19:8, fa diaparo tse di leswe di emetse tshiamo e e sa siamang ya motho, sekai, “Ditshiamo tsotlhe tsa rona di ntse jaaka seaparo se se leswe” Isaia 64:6.

Ka jalo, fa re beela matshwao kwa ntle, temana ya re, “Mo letsatsing leo, dikereke tsotlhe di tlaa tshwara Monna a le mongwe, e bong Keresete, di re, re tlaa ja dijo tsa semowa (mafoko/dithuto) tsa rona le go ikapesa diaparo tsa tshiamo ya rona, fela re bidiwe ka leina la gago, e bong Bakeresete, go tlose kgobo ya rona.” Isaia 4:1.

Porofiso eno e diragetse leng? Ga e kake ya diragala ka nako ya ga Isaia ka gonne Iseraele e ne e le kereke e le nngwe ya nnete ka nako eo. E bile ga e ka ke ya nna ka nako ya Baaposetoloi ka gonne go ne go le kereke e le nngwe fela ya nnete. Gape, ga e ka ke ya nna ka nako ya bokgelogi jo bogolo ja tumelo, fa kereke ya Roma ya Katoliki e busa mo lefatsheng e sa letelele baganetsi ba tumelo ya yone ya maaka, e ba bogisa, mme se, sa tlama kereke ya nnete ya Modimo gore e ye go iphitlha ko e ka se bonwe teng ko “nageng”, “Mosadi a tshabela kwa nageng kwa a baakanyeditsweng bonno ke Modimo teng, gore ba tle ba mo otle malatsi a le 1260” Tshenolo 12:6. Letsatsi le lengwe la profiso le emetse ngwaga o le mongwe (Dipalo 14:34 le Esekiele 4:6).

Re tla tlhalosa ka bokhutshwane porofiso ya dingwaga tsa 1260 tsa Tshenolo 12:6, jaana:

E rile bogosi jwa Roma jwa Bophirima bo phutlhama ka ngwaga wa 476, kereke ya Roma ya Sekeresete, e eteletswe pele ke mopapa, e e neng jaanong e tlhakantse tumelo ya Sekeresete le tumelo ya disetwa, gape e le yone tumelo ya bogosi jotlhe, ya bo e batla go busa ditšhaba tsotlhe tsa bophirima. Mme ditšhaba di le tlharo, e bong Heruli, Vandals le Ostrogoths tsa gana go busiwa ke kereke ya Roma. Ka jalo kereke ya Roma e dirisa masole a mmuso ya lwatsha ditshaba tse. Mme tšhaba ya bofelo go fenngwa ke Ostrogoths, mme ya patelesega go tswa mo motseng mogolo wa Roma ka ngwaga wa 538 ka March. (https://en.wikipedia.org/wiki/Siege_of_Rome_(537–538)

Ka jalo ngwaga wa March 538 AD ke one tshimololo ya mmuso wa kereke ya Roman Katoliki. Mme ngwaga wa befelo wa mmuso wa Kereke ya Roman Katoliki ke February 10 1798 fa moeteledi pele wa masole a France e bong Louis Berthier a ne a tsaya mopapa Pius VI e le legolegwa, a mo isa ko France. Mme a ntsha taolo ya gore go se ka ga tlhola go nna le mopapa.

Ka jalo re bona gore go tswa ko go 538 go tsena ko go 1798 ke dingwaga di le 1260 fela jaaka porofiso e buile! Mme e rile ka ngwaga wa 1929, Cardinal Gasparri le Benito Mussolini ba ne ba kanela tumalano ya Lateran Treaty gareng ga lefatshe la Italy le Vatican. Gaspari o ne a emetse mopapa mme Mussolini a emetse Italy. Tumalano e ne e busetsa dithata tsa ga mopapa mo go laoleng Vatican City le phuthego ya Roman Catholic. Ka jalo “go rengwa ga yone ga loso ga bo go fodile; mme lefatshe lotlhe la gakgamalela sebatana se, la se sala morago” (Tshenolo 13:3).

Re bo tswelela ka porofiso ya ga Isaia 4:1. Fa re tla mo nakong ya “Molaetsa wa Katlholo” ka 1844 ka nako ya di-Protestants, o tla ka Adventists. Nngwe ya maikaelelo a molaetsa e ne e le go kgobokanya bana ba Modimo ka fa tlase ga kereke e le nngwe gore ba kgaogane le mekgwa ya lefatshe e e bosula. Se se ne sa diragala fa go tlhamiwa kereke ya Seventh Day Adventist (SDA). Mme e rile kereke ya SDA e kgeloga, e huralela Modimo ka go letelela Lokwalo La Ditaelo (Church Manual) ka 1932 e sa tlhole e ikanya Lefoko La Modimo e bong Baebele fela, porofiso ya ga Isaia 4:1 e ne ya diragala. Mme SDA e ne ya kanela go gana Modimo ka go nna leloko la Babilone la Christian World Communion e e eteletsweng pele ke kereke ya Roma. Jaaka porofiso e boletse, dikereke tsotlhe di ruta dithutho tse e leng tsa tsone jaaka Church Manual, le go apara tshiamo e e leng ya tsone, mme botlhe ba batla go bidiwa ka leina la ga Keresete.

Ka jalo kereke ya Modimo e ko “nageng” gape, mme gompieno ga se ka gore Baebele e kganetswe. Mo nakong e e fitileng fa Kereke ya Modimo e ya ko “nageng” ka ntlha ya go bogisiwa ke kereke ya Roma, Satane o ne a e dirisa go hitha Baebele ka go kganela gore e balwe. Mme gampieno Baebele e gongwe le gongwe, ka jalo Satane o dirisa motlhale o sele. O tlhotlheletsa bakwadi ba Babilone go gasa dithuto tsa maaka tse di ntsi tse di sokamisang Baebele e be di anamisa lefifi la semowa. Nngwe ya dithuto tse tsa maaka ke gore Keresete o kokotetse melao e some mo mokgorong, go bo go raya gore batho ba tlola molao, se e leng boleo (1 Johane 3:4). Go bo go tshwana jaaka o ka re Baebele ga e yo go senola boleo. Mme nnete ke gore ke melao ya ditlhabelo e e kokotetsweng ko mokgorong, ka gore Jeso Setlhabelo sa nnete se bapotswe (Baefeso 2:15).

Gape ba ruta batho gore ba ngaparele thuto ya maaka ya bopapa ya gore motho o tshela ka bosakhutleng le gore fa a sule o ntse o a tshela, ka jalo ba ganetsa Baebele e eleng yone fela tshirelotso mo meweng e e bosula ya ga Satane. Thuto ya gore motho fa a ya diheleng o ya go boga ka bosakhutleng e dirile gore bontsi bo seka ba dumela Baebele.

Mme fa molao wa bone wa Modimo o bewa fa pele ga batho gore o tshwanetswe ke go obamelwa, gore letsatsi la Sabata la bosupa ke Sateretaga mme le tshwanetswe la itshepisiwa jaaka Baebele e bua, baruti ba Babilone gore ba ikgolole mo tirong e ba sa batleng go e dira, ba ruta gore molao o kokotetswe mo mokgorong. Ka jalo ba latlhela kwa ntle molao wa Modimo ga mmogo le Sabata.

Mme ka gore dikereke tse di reng di tshegetsa molao wa Modimo di mo botsalanong ja semowa le tse di sa o tshegetseng ko W. C. C, batho ba tlhakana ditlhogo le go feta, mme se sefelela se dira bontsi gore ba belaele bo nnete jwa Baebele.

Ka nako ya ntlha kereke e le ko “nageng” e ne ya nna teng lobaka la dingwaga di le 1260 Tshenolo 12:6 jaaka re bone. Mme gampieno seemo sa mo “nageng” ga se na lobaka ka gore nako yotlhe ya porofiso e feledile ka 1844, Baebele ya re, “Lobaka ga le kitla le tlhola le nna teng” Tshenolo 10:6.

Tswee tswee ikopanye le rona ko The Remnant of Her Seed gore re tle re fefose go tla ga Morena Jeso Keresete.